xoves, 5 de decembro de 2019

Plan Proxecta: Protexe os animais.

Este curso as aulas de Educación infantil e primeiro ciclo de primaria foron seleccionadas para levar a cabo o Plan Proxecta "Protexe os animais".

Entre todos os alumnos e alumnas destes cursos e algúns mestres e mestras  do centro elaboramos o Plan do proxecto que leva por título "Animalízate", pois somos conscientes da necesidade que existe actualmente sobre a sensibilización animal por parte da nosa sociedade, dado que os animais non son un xoguete senón que cumplen un papel fundamental nas nosas vidas e , para os que teñen mascota, nas súas familias. Son uns seres vivos que teñen necesidades e sentimentos, e desgraciadamente, moitas veces son danados polo home.

Dende o mes de outubro levamos realizando diversas actividades que compartiremos con vós dado que precisamos a axuda de tod@s, grandes e pequenos, alumn@s e familias.

Unha das actividades que realizamos onte foi a visita ao Pazo da cultura de Carballo para visualizar a proxección da película Mascotas

Todos e todas desfrutamos moitísimo e agardamos que tamén teñades a oportunidade de vela na casa, dende a biblioteca do centro podedes levala emprestada.







Continuaremos publicando o resto das actividades que andamos argallando para axudar e protexer aos animais domésticos.

mércores, 4 de decembro de 2019

Día do referendo

 Un chuvioso 6 de decembro de 1978, vintecinco millóns de españois foron chamados ás urnas para ratificar co seu voto o proxecto de Constitución española.
Os cidadáns participaron masivamente no referendo e dende ese ano, todos os españois e españolas, celebramos esta importante data para a nosa sociedade cada 6 de decembro.

Ese día, ás nove da mañá constituíronse os máis de corenta mil colexios electorais nun día histórico. Por primeira vez, máis de dous millóns e medio de mozos e mozas exercerían o seu dereito ao voto. Ante as urnas, os cidadáns tiñan que responder cun si, non ou abstención á pregunta "¿Aproba o proxecto de Constitución?".


Hoxe, un frío pero soleado 4 de decembro para conmemorar o día da constitución española, as nosas alumnas e alumnos de 3º ciclo de educación primaria participaron no seu primeiro referendo e exerceron, por primeira vez, o seu dereito a voto coa pregunta:

Queredes que os venres teñades recreo libre polas distintas zonas??


Grazas a esta iniciativa das titoras de 5º e 6º de EP, o alumnado puido vivir en primeira persoa o significado do sufraxio, referendo, vocais,  mesa electoral, escrutinio... e agardamos que den boa conta do seu dereito cando chegue o seu momento. 

Aquí compartimos algunhas imaxes do evento:




E por suposto, feito o reconto, tamén compartimos con vós a acta de escrutinio do referendo


martes, 3 de decembro de 2019

Tod@s distintos, tod@s iguais... pero... tod@s importantes, todos especiais.

Éste é o lema que levamos por bandeira no noso centro pola conmemoración do Día internacional das persoas con discapacidade, ou como lle gusta chamarlle ao noso Nuno, día da Diversidade.

Por iso, os alumnos e alumnas de educación infantil desfrutaron coa visita de Sandra, a nai de Hugo, que veu contarnos o conto de "O cazo de Lorenzo". E tal como nos ensinou Lorenzo, que diariamente ten que levar o seu cazo, deberíamos celebrar este 3 de decembro todos os días do ano.
 Moitas grazas Sandra! Tal e como che dixeron as nenas e nenos para a próxima máis!!!!

Ademais, realizáronse distintas actividades que nos permitiron poñernos na pel das persoas con discapacidade por uns momentos: Curtas na Biblioteca, Xogos pola diversidade e Lecturas compartidas dos alumnos e alumnas de 2º EP. 

Podedes visualizar algunhas imaxes no seguinte vídeo:




Nas aulas de educación primaria tamén, dentro do noso proxecto de centro, os alumnos e alumnas realizaron unha investigación sobre distintos personaxes do mundo do deporte que seguro que nalgún momento tiveron que escoitar iso de "Tí non podes" e demostraron que con esforzo, traballo e constancia todos e todas podemos alcanzar os nosos soños.

Estos son os deportistas paralímpicos que investigaron e coñeceron:






                                                           

                                            

               




Moitas grazas a todos pola vosa participación e traballo!

No expositor poderedes atopar durante todo o mes distintas lecturas que chegarán ata o voso corazón!







sábado, 30 de novembro de 2019

Karaoke de Panxoliñas!!!







Requisitos do karaoke: 
1. Desfrutar do Nadal.
2. Desfrutar cantando na túa língua.
3. Desfrutar cos teus amigos/amigas.
4. Pasar un bo anaco.




Xa está ao chegar o mes que máis nos gusta do ano, o mes de decembro: Tempo de Nadal, turróns e mazapán, vacacións, algarabía nos fogares, festas, bailes e panxoliñas.

Hai que ir preparando os pulmóns e repertorios para ser as estrelas da festa nos vosos fogares, polo que este ano queremos darvos a oportunidade de practicar antes cos vosos compañeiros e compañeiras no cole.

Durante todos os recreos do 16 ao 20 de decembro, poderedes anotarvos individualmente, por parellas ou grupos pequenos nas distintas panxoliñas para cantalas no noso Karaoke.

Así que elixide a que máis vos guste, formade os grupos ou parellas e anotade na biblioteca o nome da panxoliña e o nome dos nenos ou nenas do grupo que a van interpretar.


Compartimos con vós algunhas delas para que vaiades elixindo aquela que máis vos guste.

Polo Nadal 

Chega o Nadal

 
A árbore de Nadal

         
O pelo roxiño

            
Canto de reises e panxoliña de Neda

              
Arre meu burriño

                                           
Chegaron a pé

                                          
Vinde ver o neno

                                           
Imos todos a Belén

                                            
O tempo de Nadal

                                          
Buscando unha estrela

                                          
Cun sombreiro de palla

                                         
Cantiga o Apalpador

                                     
A Belén vinde pastores

                                     
Quero o nadal

                                       
   O meu nadal perfecto


                                        
     Rock dos pastores

                                      
      Bo nadal no reino animal

                                     
           Bon nadal

                                        
O abeto está baleiro

                                         
      Panxoliña Beatle

Apurade! O micrófono agarda por vós!

xoves, 28 de novembro de 2019

Mes da ciencia


Novembro é o mes da ciencia en galego e este ano todo o alumnado do centro quixo unirse a esta nova iniciativa que, pensamos, foi todo un éxito.
Grandes e pequenos estivemos investigando, facendo hipóteses e realizando diversos experimentos que queremos compartir con todos vós.
Por iso, podedes visualizar vídeos dalgúns dos experimentos levados a cabo nas aulas nas últimas semanas.

Moitas grazas a todos pola vosa participación. 

Sodes uns magnífic@s científic@s!!!!


                                        

Aula de 3 anos


Aula de 4 anos


Aula de 5 anos


Aula de 1º de Primaria


Aula 2º de Primaria


Aula 3º de Primaria


Aula 4º de Primaria


Aula 5º de Primaria


Aula 6º de Primaria



No cole tedes á vosa disposición unha exposición de libros sobre ciencia para que poidades seguir experimentando en familia así como algúns dos experimentos realizados.

Agardamos que desfrutárades desta experiencia.




martes, 26 de novembro de 2019

25-N

Tal e como vos adiantáramos fai uns días, onte, o 25 de novembro realizáronse diversas actividades para mostrar o noso rexeitamento cara esta difícil problemática.






A primeira hora da mañá, o alumnado de Educación infantil e 1º ciclo de primaria desfrutaron da visita de familias que viñeron realizar un contacontos sobre "O libro dos porcos" e ,posteriormente, unha dinámica que nos fixo reflexionar sobre a inxustiza que a día de hoxe sigue existindo en moitos fogares: a sobrecarga de tarefas domésticas nas mulleres.

O alumnado infantil foi crítico e reflexivo, tanto que déronse conta da necesidade de equilibrar o reparto das tarefas para cada membro da familia e outras realizalas entre todos.

E para o alumnado de ed. primaria contáronnos o conto de "A princesa Carlota e o seu dragón mascota", no que nos mostraron moitos estereotipos que deben ser erradicados. Todas as princesas queren casar? Todos os príncipes son guapos, fortes e valentes??? 

O alumnado a través da dinámica realizada polas familias o deixaron moi claro: 
POR SUPOSTO QUE NON!!!!

 Tod@s somos iguais pero temos características, gustos e aficións diferentes, e como tal, tod@s debemos ter o dereito de facer o que nos faga sentir ben con nós mesmos. 

Moitas grazas a Yolanda, Bea, Susana, Óscar e Pablo pola vosa participación e determinación contra a desigualdade de xénero!







Ademáis, durante o recreo na biblioteca proxectáronse distintos contos e curtas en galego que versan sobre esta temática:






Ás 12 realizouse unha concentración de todo o centro no que cada aula elaborou a súa porta violeta como forma de rexeitamento á violencia de xénero. Escoitamos un manifesto elaborado polo alumnado de 6º de EP e cantamos unidos a versión en lingua galega da canción "A porta violeta" mentres un grupo de alumnas realizaban unha fermosa dramatización que podedes visualizar no seguinte vídeo:






E como broche final, cada alumno e alumna do centro recibiu da man do concello de Carballo uns detalles para non esquecer nunca que:


Todas e todos estamos unid@s contra a violencia de xénero!



Os peques contacontos tamén contan

Podo ler eu tamén algunha vez aos nenos e nenas de infantil???

Esta foi a pregunta que fai uns días fíxonos Aroa, unha alumna do 2º curso de Ed. primaria que estaba desexando ler un conto na aula de 3 anos.

E claro, caímos na conta de que sempre contamos cos maiores do cole para facer lecturas compartidas e nunca lle outorgamos esa posibilidade a outros pequenos (grandes) lectores que temos no centro.

Que unha alumna de 2º quixera ler noutras aulas parecía algo puntual pero resultou ser a porta que abriu o ánimo de outros alumnos e alumnas que están desexando compartir as súas lecturas preferidas con outras compañeiras e compañeiros do centro. Polo que a partir de agora tamén contaremos encantados coa súa participación.

Coincidindo co día contra a violencia de xénero Aroa elixiu o conto "Cuando las niñas vuelan alto", e queremos compartir con vós unha pequena mostra da súa lectura e de cómo logrou captar a atención dos máis pequenos do cole.

Moitas grazas Aroa!