Otto é un dos personaxes principais do libro "La muy catastrófica visita al zoo". Trátase dun neno extremadamente intelixente, semellando un dicionario ambulante. É fillo de pais separados. Ten moita facilidade para abordar calquera temática e profundizar sobre ela.
No día de hoxe, os participantes do club de lectura quixemos ser "Otto". Primeiro, eleximos un tema que nos gustase e no cal nos considerásemos expertos. Logo, elaboramos un pequeno borrador abordando aspectos sobre ese tema. Por último, correximos os erros, repasamos a estrutura e compartimos a nosa ponencia cos demais.
As conferencias tocaron temáticas diversas: deportes, linguas, zooloxía... Leo falou de fútbol, Marta de voleibol, Nerea dos animais, Dua do "urdu" (idioma de Pakistán), Évelyn das diferencias entre o brasileiro e o portugués...
Ningún comentario:
Publicar un comentario