DÍA MUNDIAL DO MEDIO AMBIENTE

A nosa contribución a esta efeméride foi unha actividade de  Contacontos, a cargo de

SARA  LAYA, do grupo "A Xanela do Maxín". Traballáronse os valores da sostenibilidade  dunha forma lúdica que encandilou ao alumnado de 3º e 4º de Primaria.

Que hai dentro das caixas? Agasallos asombrosos baseados nos principios das 3R+1 (Reducir, reutilizar, reciclar e... repartir!) cos que creou contos sorprendentes, fomentando a curiosidade e a imaxinación. Unha experiencia divertida e sustentable na que sorpresa tras sorpresa e con poucos elementos creou unha aprendizaxe para rir e aprender ao mesmo tempo.

                                             PINCHA AQUÍ PARA VER UN VIDEO

LETRAS GALEGAS 2023

 Ola lectores e lectoras,

Nuno e Nuna deséxanvos que pasedes un gran Días das Letras Galegas

EXPOSICIÓN NA BIBLIOTECA REGO DA BALSA

                                                                   

   Co gaio de conmemorar o Salón do Libro de Pontevedra, co                lema para este ano 

                    "Libros para xogar"

 a biblioteca Rego da Balsa, convidounos a participar na exposición de traballo relacionados co xogo.

 Nós levamos todo o atrezzo relacionado co Entroido, xa que o noso tema foi "Os cociñeiros xogan na Cristina", os carteis dos vídeos dos Xogos tradicionais da nosa visita ao Museo Melga e obradoiros de escrita, todo elaborado polo alumnado de 3º e 4º de primaria.

DÍA DE EUROPA

 

Hoxe conmemoramos o Día de Europa.

E para entender un pouco mellor  que é iso de Europa e a nosa relación con ese continente, propoñemos dous libros moi sinxelos que nos van axudar.

SEMANA DO LIBRO (7)

 Ola lectores e lectoras,

Nesta ocasión podedes ver os marabillosos xogos con contos que desfrutaron na aula de 4 anos.

A partir de contos que xa coñecen, traballaron a conciencia fonolóxica e a memoria, relacionando palabras significativas do conto coa súa portada e cos personaxes ou accións dos mesmos.

SEMANA DO LIBRO (6)

 Ola lectores e lectoras,

O alumnado de Educación Infantil desfrutou esta semana dos "Contos en famlia", actividade na que as familias se animaron a contar un conto na aula do seu fillo/a na "Hora de ler". 

Moitas gracias a todas as familias pola vosa colarobación. 

Pedimos desculpas ás que, por falta de tempo no cole, non foi posible que participaran na actividade.

SEMANA DO LIBRO (5)

 Ola lectores e lectoras,

Seguindo coa conmemoración da Semana do Libro, outras das actividades que tivo moito éxito foi o Apadriñamento lector, onde o alumnado de maior idade lle contou contos ao alumnado de menor idade.

Neste video podedes ver o contentos e contentas que estaban todos e todas. Temos que repetir!