TEATRO LIDO (II): Seleccionados!

 DE CONTOS... Á RADIO! QUE NON É POUCA COUSA! 

Como xa vos contamos nunha publicación anterior, participamos no certame de Teatro Lido coa nosa obra «Contos fóra de conto».

Pois ben... TEMOS NOVAS FANTÁSTICAS! 

Superamos a primeira fase do concurso e estamos entre os 6 traballos seleccionados! Si, si, lestes ben... SÓ SEIS, E NÓS ESTAMOS AÍ! 

E como a cousa vai de conto, pero tamén de talento, tocounos dar o seguinte paso: gravar a nosa obra nos estudios profesionais de Radio Voz! 

Unha experiencia inesquecible na que os nosos pequenos artistas puideron sentirse auténticos profesionais da radio.

Aquí vos deixamos unhas imaxes desta aventura tan especial, entre micrófonos, nervios, ilusión e moitas ganas de facelo ben.

Un auténtico luxo ao alcance de poucos... e nós tivemos a sorte de vivilo! 

E agora... a cruzar os dedos para a seguinte fase! Que soñar é de balde e, chegados ata aquí, quen nos di que non podemos seguir dando guerra? 

PARABÉNS, ARTISTAS! SODES GRANDES! 

SAMAÍN (III)

 

👻🎃 CONTOS DE SAMAÍN EN RADIO CRISTINUNA! 🎙️🕷️

O Samaín chegou cargadiño de misterio, imaxinación e moito talento!

Os nenos e nenas de 5.º B deixaron voar a súa creatividade e convertéronse en auténticos poetas do terror, elaborando uns poemas de autoría propia tan arrepiantes como chulooooos! 🦇🕸️

E como estas creacións merecían ser escoitadas, puxéronse diante dos micrófonos da nosa Radio Cristinuna para recitalas con moita ilusión e un arrepío percorréndolles o corpo! 👻

Preparádevos para escoitalos, premendo na imaxe! 

Booooo Samaín! 👻🎃

               

SAMAÍN NA BIBLIO

 BUUUUU!!! O SAMAÍN XA ANDA Á SOLTA POLA NOSA BIBLIO! 

Achégase o Samaín e, como non podía ser doutro xeito, na nosa biblioteca non iamos quedar atrás! 

Estivemos traballando arreo para darlle un aire terrorífico á nosa biblio, que agora está chea de misterio, sustos e algún que outro recuncho arrepiante... 

E como sabemos que non hai nada mellor ca un bo libro para poñer os pelos de punta, preparamos unha selección de lecturas escalofriantes que poderedes descubrir e gozar nas vosas aulas. 

Historias de medo, misterios por resolver e aventuras que farán tremer ata os máis valentes!

Así que xa sabedes... abr ide ben os ollos, preparade os nervios e, sobre todo, non deixedes de mirar detrás de vós! 

Porque este Samaín, na nosa biblio, O MEDO TAMÉN SE LE! 

E agora confesade...

ATREVÉDESVOS OU TEDES MOITO MEEEEEDOOOOOO?

TEATRO LIDO

 Un ano máis, o noso colexio participa no Festival Internacional Outono de Teatro de Carballo (FIOT), dentro da súa sección de Teatro Lido.

O alumnado de 3º, 4º e 6º de Educación Primaria mergullouse nesta aventura teatral, ensaiando o guión con ilusión, entusiasmo e moito talento interpretativo. 

Agora agárdanos o seguinte reto: ser un dos centros seleccionados para realizar unha gravación nunha radio profesional. 🤞 Crucemos os dedos para que a sorte nos acompañe!

Pero, mentres chega ese momento, convidámosvos a desfrutar tanto coma nós durante a preparación desta pequena aventura teatral.

Premendo sobre a imaxe, poderedes ver o vídeo e descubrir todo o que argallamos!

DÍA DAS BIBLIOTECAS

 

O vindeiro 24 de outubro, con motivo do Día das Bibliotecas Escolares, inauguramos esta celebración cunha actividade moi especial protagonizada polo alumnado de 1.º de Educación Primaria, e capitaneado por dúas alumnas de 4º de Primaria.

Os nosos pequenos lectores e lectoras darán vida ao libro Abecedario en verso del ratón diverso, de Paula Salinas Gras, unha obra chea de rimas, humor e imaxinación. Cada neno e nena prepararou unha letra e recitou os versos que a acompañan nunha gravación na nosa radio escolar, construíndo entre todos un divertido percorrido polo abecedario.

Porque, do mesmo xeito que as letras se unen para formar palabras e as palabras para contar historias, a biblioteca escolar enlaza saberes, experiencias e aprendizaxes, fomentando a lectura, a creatividade, a curiosidade e o desenvolvemento de múltiples competencias.

Cada letra conta, cada aprendizaxe suma e todas xuntas escriben a gran historia da nosa biblioteca escolar.

Premede na imaxe para escoitar o audio!

SAMAÍN (II): "POEMAS QUE DAN MEDO" NA RADIO DO COLE

 

O Samaín tamén se vive entre versos, rimas e moitas ganas de pasalo ben!

Desde a biblioteca do noso cole queremos celebrar esta festividade dun xeito moi especial: grabando co noso alumnado unha selección de poemas de Samaín!

Bruxas, pantasmas, cabazas e outros personaxes misteriosos coláronse na nosa radio escolar para encher as ondas de poesía, imaxinación e un pouquiño de medo… do divertido! 👻🕷️

A través de esta actividade, os nenos e nenas desfrutaron da lectura en voz alta, traballando a entoación, o ritmo, a pronunciación e a expresión oral, ao tempo que descubriron como a poesía pode converterse nun xeito creativo e emocionante de xogas coas palabras.

Convidámosvos a escoitar as nosas gravacións e a desfrutar destes versos terrorificamente divertidos, preparados con moita ilusión polos nosos poetas e locutores.

Pinchade na imaxe para escoitar os audios!

 

"As almas de Samaín" de Saúl Filgueira.

 

"O lobo que rouba almas" de Évelyn Ágatha de Araújo.

 

"A noite de Samaín" de Alba García Suárez.

 

"El fantasma Cacufate" de Dua Kamran Butt.

 

 

 

"Outono" de Leo Remuiñán Veiga.

 

PEQUENOS PASOS, GRANDES DESCUBRIMENTOS: O NOSO OBRADOIRO DE ROBÓTICA!

 

 Na nosa escola seguimos explorando, experimentando e aprendendo de xeito divertido! Esta vez, os nenos e nenas de educación infantil convértense en pequenos e pequenas especialist@s en robótica.

A través deste obradoiro, o alumnado achégase ao mundo da programación e do pensamento computacional mediante o xogo, a manipulación e a superación de pequenos retos adaptados a súa idade. 

Entre robots, percorridos e moitas ganas de descubrir, aprendemos a dar instrucións, anticipar movementos, buscar solucións en traballar en equipo. Cada actividade convértese nunha oportunidade para traballar a lóxica, a creatividade, a orientación espacial e a autonomía.

E, por suposto, non faltan a curiosidade, as sorpresas e os sorrisos! Porque aprender tamén é experimentar, equivocarse, volver intentalo e descubrir que somos capaces de conseguir grandes cousas paso a paso.

Con iniciativas coma esta, seguimos apostando por unha aprendizaxe activa, manipulativa e motivadora, na que a tecnoloxía convértese nunha ferramenta para pensar, crear e aprender.

Pequenos robots, grandes ideas e moitas ganas de seguir aprendendo!