domingo, 22 de decembro de 2019

Visita dos Reis Magos

Como non podía ser doutra forma, no CEIP Plurilingüe A Cristina rematamos o último día de cole deste ano 2019 coa visita dos Reis que viñeron felicitarnos as festas e a escoitar todos os nosos bos desexos para o ano que ven.

Foi un día cheo de ilusión, alegría, emoción e algarabía para todos os que conformamos o cole de A Cristina como podedes ver nos seguintes vídeos:



Visita dos Reis en infantil




 Visita dos reis en primaria




Canción dos alumnos de 5 anos as súas Maxestades.


Desfrutade moito das festas e aproveitade estes días para recargar as pilas e voltar cargados de forzas e ganas de aprender.

Vémonos o vindeiro 8 de xaneiro.


O claustro do CEIP P. A Cristina deséxavos

Felices festas a tod@s!

sábado, 21 de decembro de 2019

TRABALLOS DE INVESTIGACIÓN 2º CICLO DE EDUCACIÓN PRIMARIA

Antes de pechar o trimestre,  gustaríanos difundir algúns dos proxectos de investigación realizados na biblioteca do cole:



Nesta ocasión  mostrámosvos o traballo da profe Carmen Rama que durante os últimos meses levou a cabo co alumnado de 3º e 4º de educación primaria onde realizaron proxectos de investigación empregando os distintos fondos bibliográficos cos que contamos no noso catálogo e a través de ferramentas dixitais.




O resultado, ademais de todos os coñecementos que adquiriron os alumnos e alumnas destes cursos, podedes visualizalo no seguintes vídeos.

                                 
 3º educación primaria



4º educación primaria



Gran traballo chic@s e profe Carmen!

venres, 20 de decembro de 2019

Recomendacións de Nadal

Un ano mais, desde o Equipo de Biblioteca do CEIP Plurilingüe A Cristina enviámosvos as seguintes recomendacións lectoras para desfrutar neste Nadal.



Dende o Recuncho de Nuno desexámosvos:



                         Felices Festas 
                                    e
                      Próspero Ano 2020!!!

xoves, 19 de decembro de 2019

Xoves de nadal

Hoxe foi o derradeiro contacontos de nadal para o alumnado de 1º ciclo de primaria da man da nai de Valentina, Carmela, que volveu para contarlles ao alumnado o conto titulado "Derradeira carta aos reis magos" dado que mañá será o día no que veñan visitar a todos os alumnos e alumnas do centro.


Moitísimas grazas pola visita e polos estupendos momentos que pasamos contigo de novo.


Durante o recreo volvimos a desfrutar das panxoliñas na biblio. Debido ao limitado tempo e a grande demanda por parte de moitos alumnas e alumnos, máis adiante volveremos repetir esta actividade musical noutros eventos ou conmemoracións. 
Moitas grazas a todos e a todas pola vosa ilusión, alegría e participación. 



Despois do recreo finalizamos o festival de panxoliñas cos cursos de 5º e 6º de educación primaria que podedes visualizar a continuación. 
Fenomenal chic@s e profe Nerea!



E para finalizar a xornada, este curso o noso centro, tendo en conta o proxecto do centro e as datas nas que nos atopamos, decidiu levar a cabo unha actividade característica do Nadal, a carreira polo San Silvestre que podedes visualizar no vídeo que atoparedes ao final da entrada, pero no noso caso un San Silvestre solidario .

Durante toda a semana as familias do noso alumnado aportaron o seu grao de arena para axudar nestas datas tan importantes a toda a xente que vive nunha circunstancia de precariedade e carece de recursos básicos.  
A participación foi realmente abraiante, estamos moi agradecidos con todas as familias que colaboraron para unha causa tan importante e, así dar dalgún xeito o noso cariño a toda esa xente que o precisa. 

Aquí vos deixamos unha mostra de todas as vosas aportacións que serán levadas a “Cáritas”, para participar con eles na súa campaña de Nadal que este ano leva por título: “TODOS TEMOS UN ANXO, ESPECIALMENTE NO NADAL”.


San Silvestre



Moitas grazas a tod@s e lembrade que mañá recibiremos as súas Maxestades os Reis de Oriente. 

mércores, 18 de decembro de 2019

Mércores de Nadal

Hoxe foi o turno do primeiro ciclo de primaria que contaron coa visita de Patricia e Mari Carmen, nai de Luna e Sofía. 
Puideron disfrutar de dous contos característicos da época, " Conto de nadal" e "O nadal de Ernesto e Celestina" e foron agasalladas polo alumnado interpretando en directo a panxoliña "Polo Nadal".


Moitísimas grazas pola vosa visita. Agardamos que repitades pronto!


Tamén desfrutamos hoxe do festival de panxoliñas onde lles tocou a quenda ás aulas de 3º e 4º de primaria. Agardamos que vos gusten tanto como a nós.

Aula 3º EP



Aula 4º EP





Esta xornada, debido á alerta polo temporal, non puidemos seguir desfrutando do Karaoke na biblio. Agardamos poder recuperar mañá o tempo perdido.

martes, 17 de decembro de 2019

Martes de Nadal

Hoxe continuamos esta especial semana con outro contacontos para o alumnado de infantil da man de Mari Carmen, a nai de Marta, que veu a contarnos un conto de nadal do elefante máis querido polos nosos nenos e nenas de infantil, " La navidad de Elmer".



Moitas grazas pola túa visita. Quedamos encantados!

No recreo, continuamos co karaoke de panxoliñas na biblio, onde grandes e pequenos entonaron á perfección os que serán os xites nos seus fogares este nadal.

Aquí podedes escoitar e ver outra pequena mostra:






E finalmente, continuamos co festival de panxoliñas no que desfrutamos moito coa actuación dos alumnos e alumnas do primeiro ciclo de primaria.





Que ben o fixestes!!! Noraboa!

luns, 16 de decembro de 2019

Primeiras actividades polo Nadal 2019

Hoxe comezamos con moita forza, ganas e ilusión a semana de (pre) Nadal no cole.

A primeira hora o alumnado de infantil contou coa visita de Carmela, a nai de Lorenzo, que veu contarnos un dato moi importante a ter en conta durante a noite de reis a través do conto titulado "Cando Martiño tivo ganas de mexar na noite de reis".


Moitas grazas pola túa visita e polos teus consellos para esa noite tan máxica!!!! Volve pronto!



Ademáis, durante o recreo, moitos alumnos e alumnas acudiron á biblioteca para interpretar a súa panxoliña favorita.

Aínda quedan moitos nenos e nenas na lista de agarda polo que mañá seguiremos con elas. Moitas grazas a tod@s pola vosa participación.

A continuación podedes visualizar un pequeno mix dalgúns dos participantes no karaoke desta xornada.







E despois do recreo comenzamos co festival de panxoliñas preparados coa profesora de música Nerea.

Hoxe tocoulle o turno ás distintas aulas de infantil.

Nos seguintes vídeos podedes visualizalas.

Moi ben feito chic@s!!!!







Como poderedes ver e escoitar...non nos presentamos para ningún programa de artistas porque bateríamos récords de audiencia.😄

Mañá continuaremos con moitas outras actuacións!

sábado, 14 de decembro de 2019

Preparando as festas de Nadal


Comeza a conta atrás....

A vindeira semana comezaremos a quentar motores para pasar nos nosos fogares unhas festas moi felices e divertidas.

Co cole xa decorado, as lecturas de nadal lidas, as nais contacontos practicando as súas actuacións e os alumnos e alumnas de A Cristina entoando á perfección as panxoliñas...temos todos os ingredientes necesarios para pasar unhas xornadas moi especiais.

Lembrade: todos os días durante os recreos de luns a xoves teredes á vosa disposición o karaoke de panxoliñas. 



Se aínda non estades anotados acudide o luns a facelo!

Podedes seguir practicando as panxoliñas elixidas no seguinte enlace:
https://www.youtube.com/playlist?list=PLAS06pWeFibNUc1ImZXOF6Lg9M3_3r7YT











A pasalo xenial!!!!

mércores, 11 de decembro de 2019

Recíclate con Sogama

Hoxe tocoulle a quenda a 4º, 5º e 6º de educación primaria, os nosos maiores do cole, que un curso máis participaron no programa de educación ambiental chamado "Recíclate con Sogama" na biblioteca do centro.

Este programa, tan necesario nos tempos que vivimos para salvar o noso planeta,  ten como obxectivo promover a participación e implicación da comunidade educativa na xestión sostible dos residuos urbanos mediante un consumo responsable, unha produción reducida de residuos e o fomento da reutilización e o reciclaxe.




Cabe lembrar que este curso o centro conta cun pequeno horto escolar polo que nos recreos debemos levar os restos orgánicos das nosas merendas ás papeleiras correspondentes que atoparedes nos patios, xa que logo son levados ao composteiro.


Desta forma podemos tratar a materia orgánica xerada e obter un fertilizante de alta calidade para empregar no noso horto. Con isto temos a oportunidade de pechar o ciclo de recuperación e reciclaxe de residuos orgánicos.



Compartimos con vós algunhas das fotografías realizadas durante a visita de Sogama. 










Moitas grazas por ensinarnos a coidar o noso planeta!







martes, 10 de decembro de 2019

Contacontos contra a Discriminación.

No día de hoxe o alumnado de 2º e 3º de educación primaria tiveron a sorte de asistir na biblioteca do cole a un contacontos contra a discriminación ofrecido pola Deputación  e o Concello de A Coruña, da man da ONG Viraventos.

Este foi un contacontos que non pasou desapercibido, moi diferente aos que estamos acostumados e deixou en todos e todas nós uns sentimentos especiais: a empatía, o rexeitamento ás inxustizas e a necesidade de non xulgar sen coñecer.

Esta historia que nos contaron chegou ata nós como se a vivíramos en primeira persoa dado que moitas veces nós tamén xulgamos e somos xulgados sen ningún tipo de criterio e sen percatarnos do dano que podemos facerlle aos demais.

Unha vez máis caemos na conta de que non importa a nosa altura, as nosas características, a nosa cor de pelo ou de pel, o único que importa é o que hai dentro de nós e o que facemos polos demais.

" As diferenzas suman, se non o entendes restas!"

Moitas grazas a todos os membros da ONG Viraventos,  á Deputación e ao Concello de  Coruña.

Compartimos con vós unha pequena mostra do acontecido así como algunhas imaxes do día.








Coñecemos...a vida do pescador!

Hoxe tamén contamos cunha visita moi especial na nosa biblioteca.

Aos alumnos de 5º e 6º de educación infantil veu a nai de Álvaro, Azucena, a falarnos  dun dos sectores que continúa a ser un dos primeiros eixos da economía galega, o sector pesqueiro.

Azucena ensinounos moitos datos curiosos desta profesión tan cercana a ela e ao noso compañeiro Álvaro.

Vós sabíades que os polbos que viven preto das rocas teñen unha cor máis escura porque zampan os nosos saborosos e caros percebes???

Este dato e moitos outros os aprendimos grazas a todas as fotos e información que compartíu con nós. Tamén explicounos como é a vida e horarios dun pescador, os útiles e instrumentos que emprega, o funcionamento e organización dunha lonxa, as distintas partes dun barco de pesca...así como o porto e as mareas de Malpica.

















Moitísimas grazas pola túa visita e por todo o que nos ensinaches!

Karaoke de Panxoliñas!!!







Requisitos do karaoke: 
1. Desfrutar do Nadal.
2. Desfrutar cantando na túa língua.
3. Desfrutar cos teus amigos/amigas.
4. Pasar un bo anaco.




Xa está ao chegar o mes que máis nos gusta do ano, o mes de decembro: Tempo de Nadal, turróns e mazapán, vacacións, algarabía nos fogares, festas, bailes e panxoliñas.

Hai que ir preparando os pulmóns e repertorios para ser as estrelas da festa nos vosos fogares, polo que este ano queremos darvos a oportunidade de practicar antes cos vosos compañeiros e compañeiras no cole.

Durante todos os recreos do 16 ao 20 de decembro, poderedes anotarvos individualmente, por parellas ou grupos pequenos nas distintas panxoliñas para cantalas no noso Karaoke.

Así que elixide a que máis vos guste, formade os grupos ou parellas e anotade na biblioteca o nome da panxoliña e o nome dos nenos ou nenas do grupo que a van interpretar.


Compartimos con vós algunhas delas para que vaiades elixindo aquela que máis vos guste.

Polo Nadal 

Chega o Nadal

 
A árbore de Nadal

         
O pelo roxiño

            
Canto de reises e panxoliña de Neda

              
Arre meu burriño

                                           
Chegaron a pé

                                          
Vinde ver o neno

                                           
Imos todos a Belén

                                            
O tempo de Nadal

                                          
Buscando unha estrela

                                          
Cun sombreiro de palla

                                         
Cantiga o Apalpador

                                     
A Belén vinde pastores

                                     
Quero o nadal

                                       
   O meu nadal perfecto


                                        
     Rock dos pastores

                                      
      Bo nadal no reino animal

                                     
           Bon nadal

                                        
O abeto está baleiro

                                         
      Panxoliña Beatle

Apurade! O micrófono agarda por vós!

xoves, 5 de decembro de 2019

Plan Proxecta: Protexe os animais.

Este curso as aulas de Educación infantil e primeiro ciclo de primaria foron seleccionadas para levar a cabo o Plan Proxecta "Protexe os animais".

Entre todos os alumnos e alumnas destes cursos e algúns mestres e mestras  do centro elaboramos o Plan do proxecto que leva por título "Animalízate", pois somos conscientes da necesidade que existe actualmente sobre a sensibilización animal por parte da nosa sociedade, dado que os animais non son un xoguete senón que cumplen un papel fundamental nas nosas vidas e , para os que teñen mascota, nas súas familias. Son uns seres vivos que teñen necesidades e sentimentos, e desgraciadamente, moitas veces son danados polo home.

Dende o mes de outubro levamos realizando diversas actividades que compartiremos con vós dado que precisamos a axuda de tod@s, grandes e pequenos, alumn@s e familias.

Unha das actividades que realizamos onte foi a visita ao Pazo da cultura de Carballo para visualizar a proxección da película Mascotas

Todos e todas desfrutamos moitísimo e agardamos que tamén teñades a oportunidade de vela na casa, dende a biblioteca do centro podedes levala emprestada.







Continuaremos publicando o resto das actividades que andamos argallando para axudar e protexer aos animais domésticos.

mércores, 4 de decembro de 2019

Día do referendo

 Un chuvioso 6 de decembro de 1978, vintecinco millóns de españois foron chamados ás urnas para ratificar co seu voto o proxecto de Constitución española.
Os cidadáns participaron masivamente no referendo e dende ese ano, todos os españois e españolas, celebramos esta importante data para a nosa sociedade cada 6 de decembro.

Ese día, ás nove da mañá constituíronse os máis de corenta mil colexios electorais nun día histórico. Por primeira vez, máis de dous millóns e medio de mozos e mozas exercerían o seu dereito ao voto. Ante as urnas, os cidadáns tiñan que responder cun si, non ou abstención á pregunta "¿Aproba o proxecto de Constitución?".


Hoxe, un frío pero soleado 4 de decembro para conmemorar o día da constitución española, as nosas alumnas e alumnos de 3º ciclo de educación primaria participaron no seu primeiro referendo e exerceron, por primeira vez, o seu dereito a voto coa pregunta:

Queredes que os venres teñades recreo libre polas distintas zonas??


Grazas a esta iniciativa das titoras de 5º e 6º de EP, o alumnado puido vivir en primeira persoa o significado do sufraxio, referendo, vocais,  mesa electoral, escrutinio... e agardamos que den boa conta do seu dereito cando chegue o seu momento. 

Aquí compartimos algunhas imaxes do evento:




E por suposto, feito o reconto, tamén compartimos con vós a acta de escrutinio do referendo


martes, 3 de decembro de 2019

Tod@s distintos, tod@s iguais... pero... tod@s importantes, todos especiais.

Éste é o lema que levamos por bandeira no noso centro pola conmemoración do Día internacional das persoas con discapacidade, ou como lle gusta chamarlle ao noso Nuno, día da Diversidade.

Por iso, os alumnos e alumnas de educación infantil desfrutaron coa visita de Sandra, a nai de Hugo, que veu contarnos o conto de "O cazo de Lorenzo". E tal como nos ensinou Lorenzo, que diariamente ten que levar o seu cazo, deberíamos celebrar este 3 de decembro todos os días do ano.
 Moitas grazas Sandra! Tal e como che dixeron as nenas e nenos para a próxima máis!!!!

Ademais, realizáronse distintas actividades que nos permitiron poñernos na pel das persoas con discapacidade por uns momentos: Curtas na Biblioteca, Xogos pola diversidade e Lecturas compartidas dos alumnos e alumnas de 2º EP. 

Podedes visualizar algunhas imaxes no seguinte vídeo:




Nas aulas de educación primaria tamén, dentro do noso proxecto de centro, os alumnos e alumnas realizaron unha investigación sobre distintos personaxes do mundo do deporte que seguro que nalgún momento tiveron que escoitar iso de "Tí non podes" e demostraron que con esforzo, traballo e constancia todos e todas podemos alcanzar os nosos soños.

Estos son os deportistas paralímpicos que investigaron e coñeceron:






                                                           

                                            

               




Moitas grazas a todos pola vosa participación e traballo!

No expositor poderedes atopar durante todo o mes distintas lecturas que chegarán ata o voso corazón!