domingo, 31 de xaneiro de 2021

CELEBRACIÓN DO DÍA ESCOLAR DA NON VIOLENCIA E DA PAZ

 Aquí tedes o resultado de todo o traballo realizado esta semana:

"Atrapasoños" con mensaxes e palabras relacionadas coa paz e pulseiras "a xogo" tamén con palabras relacionadas con esta temática:




Manifestos pola paz das diferentes clases:


MANIFESTO DA PAZ


E agora que celebración toca? Pois xa nos estamos preparando para o Entroido, e como non, seguiremos descubrindo máis sobre o país que visitamos. Quedan un par de semanas para descubrir os disfraces de todas as clases, mentres tanto, é tempo para facer receitas de entroido, probar novas maquillaxes e crear máscaras e disfraces, compartídelo con nós? Animádevos a enviar as vosas mellores fotos ao recuncho de Nuno!



xoves, 28 de xaneiro de 2021

RECURSOS DÍA DA PAZ


 Hoxe compartimos unha serie de curtas seleccionadas polo equipo de convivencia para reflexionar sobre a importancia da paz, de compartir, do amor... seguro que a todos se vos ocurren moitas máis palabras relacionadas con esta temática verdade? Pois hai uns lazos ben bonitos colgados no cole, cheos de palabras moi fermosas. Pero o resultado final destes lazos verase mañá, hoxe, como dicía, a publicación é para compartir curtas, para que poidades ver o día da paz e sempre, pois os valores dos que estamos a falar esta semana teñen que estar presentes todos os días.



Nenos e nenas que estades a pasar uns días na casiña, animádevos a buscar a vosa curta favorita!

E por último un escape rooom do día da paz, para recordar a figura de Malala que xa coñecimos o día dos dereitos do neno. 







martes, 26 de xaneiro de 2021

SEMANA DA PAZ

O día escolar da non-violencia e a Paz é unha xornada que se empezou a levar a cabo en España en 1964 polo poeta e pacifista mallorquín Llorenç Vidal como punto de partida e apoio para unha educación non violenta e pacificadora. Celébrase o día 30 de xaneiro coincidindo co aniversario da morte de Mahatma Gandhi. Este ano no cole celebrarase o venres 29, pero ao longo de toda a semana traballaremos sobre o tema.

 Dende o recuncho de Nuno fíxose unha selección de libros sobre esta temática para as bibliotecas de aula. 


Xa podedes disfrutar destes libros nas vosas aulas!


domingo, 24 de xaneiro de 2021

24 DE XANEIRO, DÍA DO ENSINO

 Como este ano o día do ensino coincide en domingo no cole celebrámolo o venres 22. O equipo TIC fixo recomendacións de vídeos sobre a educación nos diferentes países que estaba a visitar Nuno para, deste xeito, dar a coñecer ao alumnado un pouco máis sobre o "seu país". 

As actividades levadas a cabo nas aulas consistiron no visionado dos vídeos e posterior reflexión/comparación coa educación española. 


Ademais nalgunhas aulas tamén fixeron unha redacción co que descubriron sobre este día:


Así mesmo, visionamos curtas que invitan á reflexión sobre o dereito á educación. No seguinte enlace podedes ver unha curta que emocionou tanto ao alumnado como ao profesorado:


Para a semana que vén o equipo de convivencia propón para infantil traballar sobre o conto "O segredo de Flora", e en primaria investigarase novamente sobre o "seu país",  esta vez buscando datos sobre violencia, situacións de guerra recentes... xa que o vindeiro venres celebraremos o día da paz. Polo que... a investigar!
Estamos desexando mostrar todos os descubrimentos no Blog!


mércores, 20 de xaneiro de 2021

DÍA DO ENSINO

Xa fai uns meses falábamos dos dereitos do neno e dos dereitos humanos, nesta publicación imos destacar un deles: o dereito á educación, pois o vindeiro venres 24 celébrase o día internacional do ensino.

Este día foi proclamado pola Asamblea Xeral das Nacións Unidas polo papel que a educación desempeña na paz e o desenvolvemento. 

Para que exista o dereito á educación son imprescindibles os mestres, que loitan contra vento e marea contra todas as adversidades:


Fano con todo o corazón:




Podedes atopar moitas máis ilustracións neste exemplar co que contamos no recuncho de Nuno.


Desfrutade do día e, compañeiros e compañeiras, desfrutade da profesión.






luns, 11 de xaneiro de 2021

NOVO ANO, NOVOS LIBROS

 A primeira publicación deste 2021 é para as novas incorporacións á biblioteca. Como vedes hai un pouquiño de todo: comics, novelas, libros de consulta... e, se vos fixades ben, o libro que está no centro é "La vuelta al mundo en 80 días", a famosa novela de Julio Verne na que relata unha viaxe visitando varios países, algúns destes países son os que está a visitar Nuno.




Botádelle un ollo a lista de libros: 

  • Viaje al centro de tierra
  • La vuelta al mundo en 80 días
  • Magallanes, la primera vuelta al mundo en 1080 días.
  • Tú puedes cambiar mundo
  • De viaje por el mundo
  • Casas del mundo
  • Cuentos y poesías (G. Rodari)
  • Maestros de la música
  • Versos para comérselos
  • Animalotes: El comienzo, Misión implumable, Desmadre prehistórico, Supermalotes
  • ¿Qué es un refugiado?
  • Salvamos o Planeta
  • A tropa contra o virus
  • Vampira de biblioteca
  • A proba de auga
  • Alcaldesa Vermella
  • Astérix e os normandos
  • O menhir de Ouro (Asterix)
  • La igualdad entre chicas y chicos no es ninguna broma
  • Bill y Janet
  • Tom Gates: El mega libro
  • Amazonas CF: Futboleras en peligro
  • Tom Gates - Una salida genial
  • El hijo de Astérix 

A ver se Nuno selecciona algúns para as bibliotecas de aula, pois xa está a facer os cambios do segundo trimestre.