venres, 28 de abril de 2023

SEMANA DO LIBRO (6)

 Ola lectores e lectoras,

O alumnado de Educación Infantil desfrutou esta semana dos "Contos en famlia", actividade na que as familias se animaron a contar un conto na aula do seu fillo/a na "Hora de ler". 

Moitas gracias a todas as familias pola vosa colarobación. 

Pedimos desculpas ás que, por falta de tempo no cole, non foi posible que participaran na actividade.




xoves, 27 de abril de 2023

SEMANA DO LIBRO (5)

 Ola lectores e lectoras,

Seguindo coa conmemoración da Semana do Libro, outras das actividades que tivo moito éxito foi o Apadriñamento lector, onde o alumnado de maior idade lle contou contos ao alumnado de menor idade.

Neste video podedes ver o contentos e contentas que estaban todos e todas. Temos que repetir!




mércores, 26 de abril de 2023

SEMANA DO LIBRO (4)

 Ola lectores e lectoras,

A rapazada de 3º e 4º de Educación Primaria desfrutaron esta mañán dunha sesión de animación á lecura coa autora do libro "As Pombas de Bastián", María Canosa. Ata houbo firma de autógrafos!








martes, 25 de abril de 2023

SEMANA DO LIBRO (3)

 En RADIO CRISTINUNA, seguimos coa nosa sección : 

        Recomendacións Lectoras

Nesta ocasión foi a quenda do alumnado de 3ºe 4º de primaria. 

Valeria, Iria e Victoria "puxéronse nas ondas" , contándonos a súa experiencia sobre a lectura deste trimestre "As Pombas de Bastián", e ademais, aproveitaron para darnos unha pincelada do seu traballo monográfico sobre a autora, María Canosa. 

Por suposto, co apoio do equipo técnico: Lucía e Adrián!



Non perdades o seu audio!!  Podedes escoitalo premendo na imaxe seguinte:










SEMANA DO LIBRO (2)

Ola lectores e lectoras,

En relación coa entrada anterior, o alumnado de 5º e 6º de Educación Primaria puideron desfrutar dunha amena sesión de animación á lectura con Pere Tobaruela, autor do libro "Formigas. Misión Rosalía", co que estiveron traballando na aula.








domingo, 23 de abril de 2023

SEMANA DO LIBRO (1)

 Durante esta semana de festexos "libreros", tivemos como protagonista a este exemplar que o alumnado de 5º e 6º de primaria estiveron a traballar.





E así dicidiron contarnos a súa experiencia, nunha tertulia radiofónica, que podedes escoitar, premendo sobre a súa  foto, coa radio en directo.

 Non podedes perdela!





sábado, 22 de abril de 2023

NOVAS ADQUISICIÓNS

 Ola lectores e lectoras,

Seguimos ampliando a oferta de exemplares na biblioteca. Nesta ocasión son para a etapa de Educación Primaria e esperamos que os desfrutedes.





martes, 18 de abril de 2023

ANIMACIÓN Á LECTURA



 O alumnado de 5º e 6º de Primaria, gozaron vendo as marabillosas novidades lectoras que nos trouxo a encantaadora Lola de Librería Aenea.

Lola é uha muller que enfeitiza coa súa pasión pola lectura ata deixarnos absolutamente engaiolados escoitándoa. Houbo comentarios do alumnado como:

                -" Así que divertido é aprender"

                - "Pero todo iso está nos libros?"

                - "Eu quero xogar á Vacaloura e así sírveme para repasar lingua"

                - "Que animaliños máis cuquis!"

                - E daquela, nese libro, os sons son de verdade? Podemos escoitar o libro?"

Quedamos fachendosos de poder contar cunha actividade tan atractiva que incita aos nosos nenos e nenas a mergullarse con verdadeiro interese pola lectura.











domingo, 16 de abril de 2023

VISITA AO MELGA

 



Dado que este curso o lema do Salón Infantil e Xuvenil de Pontevedra é "Libros para xogar", desde este equipo, dedicimos visitar o museo etnolúdico Melga, onde fixemos un percorrido no tempo e na xeografía do xoguete, alén de vencellar o deporte como un xogo esencial para a saúde.

Despois de tomar fotografías e vídeos da participación do alumnado do 2º ciclo de primaria, elaboramos un cartel con todos, acompañados dun código QR , que permite ver  un pequeno vídeo de cada xogo.