SEMANA DAS LETRAS GALEGAS (II)

 Vencellando a conmemoración das Letras Galegas, ao eido radiofónico, participamos un ano máis no certame "O Vello dos Contos".  

Nas bases do certame, especifícase  a elaboración dun podcast baseado na figura das cantareiras, tan emblemática para nós, preservando e difundido a cultura popular.

Polo tanto, o alumnado de 5º e 6º de primaria, conducindo o rumbo das ondas de Radio Cristinuna, fixo un percorrido biográfico e musical, no que cobraron vida estas fascinantes mulleres, enmarcando o seu contexto coxuntural na sociedade que viviron, o seu olvido e posterior recoñecemento que supuxo o relevo xeneracional e ata unha entrevista con Bieito Romero, fundador de "Luar na Lubre".

Premendo sobre a imaxe, podedes escoitar este podcast digno dun "Premio Marconi"....polo menos!!

Parabéns, rapaces !!

SEMANA DAS LETRAS GALEGAS

 

O noso homenaxe ás cantareiras foi a elaboración dunhas caricaturas desta sete mulleres máis salientables, facendo o que elas mellor sabían: tocar a pandeireta e cantar. Polo tanto, o alumnado de 3º e 4º de primaria, fabricou unhas pandeiretas con material de reciclaxe, e dentro debuxaron a imaxe  de todas elas en forma de caricatura, xunto coas súas coplas máis significativas e coñecidas. Colgámolas decorando os corredores, e este foi o resultado, do que estamos moi fachendosos.

Vivan as nosas letras!!

SEMANA DO LIBRO- SALÓN DO LIBRO

 

Premede sobre a imaxe para ver a curta "DE CINE", que realizou o alumnado de 4º de primaria.

LETRAS GALEGAS 2025

 No cole xa nos estamos preparando para as letras galegas!

A Real Academia Galega acordou dedicar o Día das Letras Galegas 2025 á poesía popular oral, personificado en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica).
Ademais Nuno xa fixo a súa selección de libros en galego realcionados coa temática. Podedes atopar varios exemplares de autores xa homenaxeados noutros anos, así como obras nas que a música popular é a protagonista.

 

 

SEMANA DO LIBRO (II)

 Nesta gran efeméride para a Biblioteca, contamos  con Lola, da librería Aenea, que un ano máis, transmitiunos a súa paixón polos libros e amosounos aventuras literarias tan fantásticas que os nenos e nenas non puideron resistirse, e segundo as súas preferencias, adquirimos fondos moi interesantes tanto en libros como en xogos: un xadrez e parchís xigantes ou mesmo o "Limbo" que puxo fóra de órbita, a máis de un.

    

           En acción, 3º e 4º de primaria!

OBRADOIRO DE RADIO

 Radio Cristinuna  está  continuamente "on air", preocupada  por conseguir  unhas  producións  de calidade que  representen  o bo traballo  que todo o colectivo do cole  estamos a facer.

Por  iso, participamos nun obradoiro de radio  durante  unha xornada lectiva completa, con Susana Bastón, quen no curso anterior explicounos como desenvolver a realización dun programa de radio, o cal  empregamos este curso  para aleccionar ao alumnado de  5º  e   6º   de  primaria, con nocións de edición de podcast  a nivel técnico.

Premendo nesta imaxe e na seguinte,   podedes escoitar dúas versións da  emisión dun sensacional  informativo realizado integramente  polo alumnado.  Adiante,  ouvintes !!

DÍA DO LIBRO

 Para a conmemoración do día do libro o alumnado de infantil realizou unha actividade chulísima!

Premede no vídeo a ver que portadas recoñecedes!

OVOS E RIMAS DE PASCUA

Na  celebración tan   nosa  de  agasallar  con  ovos  no tempo  da  Pascua, o alumnado  de   4º   de  Primaria quixo   deixar   a súa  pegada: decoraron  a porta  cun coello  xigante  elaborado con  material de reciclaxe ,e  que  conta cunha   caixiña para   colocar os ovos  que despois elaboraron  e decoraron na  aula.

E como  calquer evento  é  doado para practicar  a escrita,  fixeron unha rima, escribíndoas  en cada ovo.

Como a guinda do  pastel,  houbo intercambio de ovos

 con 2º A !

SEMANA DO LIBRO- Cita con autores

 

LER O TEU CORPO

 Seguimos a traballar a temática "ler o teu corpo".  Nesta ocasión o alumnado de 6ºA de educación infantil gravou unha poesía na radio Cristinuna!

Preme no seguinte enlace para escoitar como debuxar o teu corpo.

2 de abril, DÍA DO AUTISMO

 Hoxe día 2 de abril é o día mundial de concienciación sobre o autismo. Na biblioteca contamos con material para o alumnado con diversidade e tamén con exemplares para que toda a comunidade educativa poida coñecer máis sobre este trastorno. 

Estes son algúns dos exemplares para diferentes idades nos que se fala sobre TEA.

DÍA INTERNACIONAL DO LIBRO INFANTIL

 Como en anos anteriores, o IBBY (International board on books for young people) chama á conmemoración do Día do Libro Infantil o 2 de abril, data de nacemento de Hans Christian Andersen. O obxectivo é promocionar os bos libros infantís e xuvenís e a lectura entre os máis novos. 
 
A sección patrocinadora deste ano é Holanda que difunde a mensaxe de Rian Visser e o cartaz de Janneke Ipenburg co lema "Estas palabras que sairon da miña boca son para ti".

Por suposto, a biblioteca de Nuno está chea de libros infantís, para este día tan especial fainos unha pequena selección:

21 DE MARZO, DÍA DA POESÍA

 A poesía é un xénero literario escrito en verso ou prosa que se caracteriza por expresar ideas, sentimentos e historias dun modo estético. Na biblioteca contamos con unha sección adicada á poesía, pero co gallo da celebración do día da poesía Nuno achéganos algúns libros de grandes autores como Gloria Fuertes, Rosalía de Castro... para adentrarnos na beleza deste xénero.

Para este día tan especial na Radio Cristinuna temos un podcast coas Coplas das cantareiras

recitadas e cantadas polo alumnado de 2ºA e 4º de primaria.

COPLAS DAS CANTAREIRAS

MALETA VIAXEIRA

 Con esta maleta con material inclusivo, rematamos a viaxe compartida que facemos con Bibliotecas Escolares.

Aquí están os nosos voluntarios organizando o reparto dos exemplares para as diferentes aulas.

Se queres ver todos os libros desta malete preme no enlace.

SEMANA DA PRENSA

 No seguinte enlace podedes ver máis detalles da visita ao Concello e ademais, as preguntas en exclusiva!

VISITA AO CONCELLO

SEMANA DA PRENSA

 Esta semana, do 10 ao 14 de marzo celebramos a semana da prensa. O alumnado de cuarto de primaria realizou unha saída ao concello de Carballo para facerlle unha entrevista ao alcalde, converténdose así en xornalistas por un día.