Nesta gran efeméride para a Biblioteca, contamos con Lola, da librería Aenea, que un ano máis, transmitiunos a súa paixón polos libros e amosounos aventuras literarias tan fantásticas que os nenos e nenas non puideron resistirse, e segundo as súas preferencias, adquirimos fondos moi interesantes tanto en libros como en xogos: un xadrez e parchís xigantes ou mesmo o "Limbo" que puxo fóra de órbita, a máis de un.
En acción, 3º e 4º de primaria!
Unha das liñas prioritarias para este curso, era a relación con centros educativos da contorna, polo que xestionamos a nosa visita ao CEIP XOSÉ SAN LUÍS ROMERO.
Dúas alumnas de 6ºde Primaria, Lucía e Sabela, argallaron unha entrevista coas responsables das bibliotecas de ambos centros, Manuela e Maica, e tamén a petición súa, empregamos o fondo Croma do outro centro.
Así, coa paisaxe da praia de Razo, tivo lugar a entrevista; entre risas e algunha confesión inesperada, contaron o que máis e o que menos lles gusta da biblioteca, as súas preferencias entre a actividade lectiva e o labor bibliotecario, e por que senten verdadeira paixón por esta actividade.
Coñecemos o seu centro, a súa marabillosa biblioteca, falamos de proxectos , de nenas e neos que buscan respostas entre os andeis, e mesmo houbo tempo para algún cotilleo inocente. Por suposto, convidámolos a unha visita no noso centro!
Un encontro informal, entre mar, libros e voces que fan da biblioteca un espazo vivo. (Premede na primeira imaxe)
Radio Cristinuna está continuamente "on air", preocupada por conseguir unhas producións de calidade que representen o bo traballo que todo o colectivo do cole estamos a facer.
Por iso, participamos nun obradoiro de radio durante unha xornada lectiva completa, con Susana Bastón, quen no curso anterior explicounos como desenvolver a realización dun programa de radio, o cal empregamos este curso para aleccionar ao alumnado de 5º e 6º de primaria, con nocións de edición de podcast a nivel técnico.
Premendo nesta imaxe e na seguinte, podedes escoitar dúas versións da emisión dun sensacional informativo realizado integramente polo alumnado. Adiante, ouvintes !!
Para a conmemoración do día do libro o alumnado de infantil realizou unha actividade chulísima!
Premede no vídeo a ver que portadas recoñecedes!
O alumnado de 6º de primaria gravou un programa na radio escolar do noso centro no que "entrevistaron" a personaxes famosas da súa elección.
O mellor? Que tiveron que facelo en inglés, todo un reto!
A actividade foi proposta pola nosa alumna de prácticas: Noelia Calvete, quen propuxo a actividade coma unha maneira innovadora de mellorar as habilidades lingüísticas dos estudantes mentres traballaban en equipo.
Durante o proceso, o alumnado participou de forma activa na gravación do programa, o que lles permitiu practicar o inglés nun contexto real e dinámico.
O proxecto foi coordinado entre o equipo de biblioteca e o equipo plurilingüe do centro: un exemplo de aprendizaxe activa, colaborativa conectada coa realidade.
Seguimos a traballar a temática "ler o teu corpo". Nesta ocasión o alumnado de 6ºA de educación infantil gravou unha poesía na radio Cristinuna!
Preme no seguinte enlace para escoitar como debuxar o teu corpo.
Hoxe día 2 de abril é o día mundial de concienciación sobre o autismo. Na biblioteca contamos con material para o alumnado con diversidade e tamén con exemplares para que toda a comunidade educativa poida coñecer máis sobre este trastorno.
