PRENSA NO COLE

 Novembro está cheo de acontecementos, non só ciencia. Dentro de pouco, o día 20, celébrase o Día dos dereitos da infancia. A convención sobre os Dereitos da infancia recoñece no seu artigo número 17 o dereito de acceso á información e material procedentes de diversas fontes nacionais e internacionais que teñen nenos, nenas e adolescentes.

Recibimos grande parte desta información a través dos medios de comunicación, a tele, a radio, internet... dende o cole queremos fomentar a prensa escrita, por iso todos os mércores no momento de ler os máis maiores teñen xornal.

É importante tamén, achegarse á información dunha maneira crítica. Actualmente recibimos noticias constantemente, sobretodo dende o inicio da pandemia,  e tamén se incrementou a difusión de noticias falsas, polo que a UNESCO acuñou un novo termo para este fenómeno: desinfodemia. 

Loitemos coa maior arma contra a desinfodemia: A EDUCACIÓN.

MÁIS CIENCIA!

     Para este mes tan científico Nuno buscou libros sobre bacterias, o corpo humano, microbios... en resumo: libros de ciencias. Esta selección é para os máis maiores do cole e os libros xa están nas biblios de 3º, 4º, 5º e 6º.

Ademais de investigar con estes libros, Nuno propón, para TODO O ALUMNADO que experimente na súa casa (enviarase información de como facelo) e o comparta con todos.

QUEN SE ANIMA?

ISABEL ZENDAL E A EXPEDICIÓN BALMIS

Xa non podemos esperar máis para anunciavos a viaxe que imos comezar! 

Imos investigar e aprender sobre unha expedición que deu a volta ao mundo e que durou desde o 30 de novembro de 1803 ata 1806. É a Real Expedición Filantrópica da Vacina ou Expedición Balmis.O seu obxectivo era nun principio que a vacina da varíola chegase a cada recuncho do daquela Imperio Español (América, Filipinas e outras illas do Pacífico)
Imos viaxar, pois o tema elixido para as bibliotecas escolares, como xa vos anunciara é: XEOGRAFÍAS LECTORAS.
Imos falar de ciencia, pois este é o seu mes, máis concretamente de vacinas (non podía ser un tema máis actual!)
Imos falar de Isabel Zendal, unha enfermeira que formou parte desta expedición, xa en 1803 as enfermeiras axudaron a salvar moitas vidas.
E unha vez que comecemos a viaxe seguro que aparecen moitas máis aventuras que investigar, aventuras que recolleremos neste blog!
Aproveito para anunciar que hai un libro novo na biblio, moi relacionado con este tema: NOVO MUNDO. Isabel Zendal na Expedición da Vacina

Aquí tedes uns vídeos que vos poden axudar a adentrarvos na expedición:

Para os máis pequenos a explicación vén da man dos Lunnis:

MES DA CIENCIA EN GALEGO NA BIBLIOTECA

Xa estamos en novembro, un mes cheo de acontecementos. O primeiro que vou anunciar é que é o MES DA CIENCIA EN GALEGO NAS BIBLIOTECAS. 

Comezamos cun feitizo, o feitizo da ciencia da man de Xurxo Mariño, un texto escollido a modo de Manifesto.

Tedes que estar moi atentos e atentas ao blog porque estamos preparando moitas máis cousas para este mes... só vos adianto que estamos programando unha viaxe moi científica!
 

Libros novos!

         Xa están na biblioteca novos libros para todos os cursos!

Estas novas incorporacións ao recuncho de Nuno son:

• Me defiendo del sexismo
• ¡He vencido al bulling! 
• Cuéntamelo todo
• Indómita e a semente da inmortalidade
• Alén. A arte de explorar
• Lota la cachalota
• Que es en realidad el fascismo
• Microbios monstruosos
• El mundo dijo sí
• No chupes este libro
• ¿Hay algo más aburrido que ser una princesa rosa?
• Las elecciones de los animales
• Migrantes
• Las mil y una formas de la naturaleza
• El gran libro de las aves
• El gran libro del mar
• Tu importas
• Las dos Fridas
• Mi vida de abeja
• Calvin ten cuidado
• Un mar de plásticos 

 

LENDA DE SAMAÍN E EXPOSICIÓN VIRTUAL

 

Este ano non puidemos decorar o centro como acostumamos a facelo pero... grazas a vosa colaboración puidemos organizar unha exposición virtual que poderedes visitar no vídeo que aparece a continuación. 

Ademais todo o alumnado do centro participou en elaborar unha lenda do Samaín!!!! O resultado desta colaboración entre todas as aulas do centro poderedes escoitala tamén no vídeo, o que vos permitirá viaxar pola imaxinación dos nosos alumnos e alumnas!!!!!

Moitas moitas grazas pola vosa colaboración e participación!!!!Non podemos estar máis felices co resultado obtido!!!!

 

RADIO NA BIBLIO!

Bos días a todos e todas!

Hoxe estou moi moi ledo porque recibín a maior noticia que podía esperar, xa que levaba moito tempo esperando de que un día se podería cumprir este sono:

O NOSO COLEXIO FOI SELECCIONADO PARA FORMAR PARTE DO PROGRAMA RADIO NA BIBLIO!!!!!!!!!! 

 

Proximamente teredes máis novas sobre este programa... 

Biquiños, 

Nuno