DÍA ESCOLAR DA NON VIOLENCIA E DA PAZ

Hoxe no CEIP Plurilingüe A Cristina celebramos o Día Escolar da Non violencia e da Paz e que mellor maneira que cantando e bailando unha cantiga de Mamá Cabra, "Baile da Paz".

Ademais, algúns dos poemas pola paz que se realizaron en colaboración coas familias foron recitados polos alumnos do centro.

Outra actividade moi especial que fixemos hoxe parte do alumnado de 4º B de Educación Primaria. Os nenos desta clase realizaron un contacontos de Wangari Maathai nas aulas de Educación Infantil. Para isto, utilizaron o Kamishibai, unha forma de contar contos moi popular en Xapón.

Finalmente, para poñer o broche de ouro a este fantástico día, os nenos de Educación Infantil foron as clases de Primaria a poñer unhas vacinas máxicas, as vacinas pola paz.

CON SABOR A PAZ

Dentro do proxecto de centro "A revolución de A Cristina está nos contos", desde o recuncho de nuno, quixemos revolucionar os libros de cociña. Todos os alumnos do colexio fixemos as nosas receitas pola paz. 

Deixámosvos un vídeo coas distintas receitas listas para a súa elaboración.

Ademais, coa colaboración das familias traballamos distintos poemas pola paz.

Recordade que todos xuntos a paz podemos alcanzar!!!

Contacontos adicado á poesía

Aproveitando que este curso as bibliotecas escolares están adicadas as poéticas diversas os nenos e nenas de Educación Infantil poideron desfrutar dun contacontos moi especial das mans da profe Natalia e o conto "O Fío".

Simpático e disparatado, este relato rimado comeza cunha anécdota inocente e insignificante: quen non tirou dun fío que sobresaía da chaqueta?

Tirón a tirón, rima a rima fomos descubrindo o integrante desenlace do conto dun xeito moi divertido.

Lecturas para o Día da Paz e a Non violencia

Como sabedes, no mes de xaneiro conmemoramos unha data moi especial: 

O día da Paz e a Non violencia

Desde o equipo de biblioteca do Ceip Plurilingüe A Cristina deixámosvos unhas recomendacións lectoras para desfrutar estes días. 

Ademais, no expositor da biblioteca podedes atopar unha selección de contos relacionados con esta data. 

Esperamos que os desfrutedes!!!

BO NADAL!!!

Desde o Equipo de Biblioteca do CEIP Plurilingüe A Cristina enviámosvos as seguintes recomendacións lectoras para desfrutar neste Nadal.

Ademais, no expositor do colexio podedes atopar unha selección de títulos relacionados con estas datas. 

E, por suposto, estes días divertímonos moito e todo o alumnado do centro puido desfrutar na biblioteca dunhas curtametraxes sobre o Nadal.

Esperamos que desfrutedes moito destas datas tan especiais. 

FELICES FESTAS!!!

Contacontos

Aproveitando o día internacional da diversidade funcional os nenos e nenas de Educación Infantil poideron desfrutar dun contacontos moi especial das mans da profe Adriana e o amigo Elmer.

Grazas á historia de Elmer, recordamos que todos somos iguais pero ao mesmo tempo tamén somos diversos; todos somos valiosos polas nosas cualidades, e aceptámonos do mesmo xeito que respectamos aos demais coas súas diferenzas.

UNIDOS CONTRA A VIOLENCIA DE XÉNERO

Nesta entrada queremos amosar a celebración do día internacional contra a violencia de xénero no CEIP Plurilingüe A Cristina.

O 26 de Novembro unimos as nosas mans contra a violencia de xénero. 

En colaboración co Equipo de Dinamización da Lingua Galega traducimos a cantiga de Hueco e Hanna "se acabaron las lágrimas" á nosa lingua e cantamos o retrouso no patio do colexio. Para iso, utilizamos as mans que fixemos todos os nenos do centro co lema "STOP, NON MAIS BÁGOAS". 

Ademais, ao longo destas semanas estamos visualizando unhas curtametraxes de concienciación sobre este tema. 

Deixámosvos algunha mostra das aulas que xa estiveron traballando coas curtas.