Celebración do Magosto- Samaín

E hoxe por fín chegou o ansiado día:

A festa do magosto e samaín!!!!!

Foi unha xornada chea de moitas emocións. Demos,pantasmas, meigas, mortos, esqueletos e todo tipo de personaxes arrepiantes  pasamos un día xenial: visionamos curtas na biblio, xogamos con actividades lim nas aulas, degustamos castañas asadas e xogamos a xogos tradicionais coas castañas no patio.

Velaquí vos deixamos algunhas imaxes do día.

Vémonos o luns e agardamos que desfrutedes ao máximo estes días. Moitas grazas por todo!!!!

Lecturas compartidas e lendas arrepiantes

“A nada en la vida se le debe temer. Solo se le debe comprender”.

-Marie Curie-


O noso cole está cheo de valentes, de aí que hoxe, na primeira sesión de curtametraxes terroríficos na biblioteca, acudiran moitos nenos e nenas dispostos a divertirse e pasar moito "medo".


Ademais, como din que o medo é adictivo, continuamos a hora de ler con contos do Samaín da man dalgúns alumnos e alumnas de 5º e 6º de primaria que esmeráronse ao máximo para que todos e todas desfrutáramos das súas lecturas.

Moitas grazas chic@s! Pasámolo xenial grazas a vós!!!

Lembrarvos que hoxe e mañán tedes as portas do centro abertas para ver a exposición das vasoiras tenebrosas que fixestes nos vosos fogares.

Moitas grazas a todas as familias pola vosa participación. Sen vós non sería posible a ilusión que teñen todos os alumnos e alumnas do centro.


Aquí deixamos un vídeo con algunhas imaxes do acontecido esta xornada acompañadas do fantástico tema de Paco Nogueiras, "Moito maxín no Samaín":

Un contacontos aterradoramente... divertido!!!!!

Comezou a semana máis tenebrosa do curso, e como non podía ser doutra forma hoxe pasámolo terrorificamente xenial, nesta ocasión grazas ao contacontos realizado polas nais de Lucía e Leo, Roque e Carmen.

Tivemos o pracer de desfrutar de dúas sesións de teatro sobre o conto de Carabuñas, unha para o alumnado de 1º e 2º de Ed. Primaria, e nunha segunda quenda todo o alumnado de Educación infantil.

E por se fora pouco, agasalláronnos a todos cun divertidísmo anel de morcego!!

Pasámolo de medo con vós! 

Aquí compartimos unha mostra de tal evento:

Moitísimas grazas Susana, Yolanda e Bea.

Agardamos que repitades moi pronto!!!

Día das bibliotecas escolares

Chegou o día do Recuncho de Nuno, da nosa biblioteca, e tal e como prometemos, compartimos con vós os traballos realizados polo alumnado do centro.

Nesta ocasión, na distintas aulas realizaron unha actividade de formación de usuarios da biblioteca para coñecer a nosa CDU e as distintas partes dun libro, e tomaron como centro de interese o proxecto do centro deste curso, os xogos olímpicos.

Sentímonos moi orgullos@s de todos os alumnos e alumnas, mestres e mestras que dedicaron moito tempo e esforzo para realizalos.

Como podedes ver, traballaron duramente para ensinarnos datos curiosos sobre os xogos olímpicos, deportes e deportistas así como rimas, adiviñas e moitas cousas máis.

Podedes atopalos expostos na entrada do noso centro.

Agardamos que vos gusten tanto como a Nuno e ao equipo de biblioteca. Noraboa a tod@s!!!!

Libro 3 Anos

Libro 4 Anos

Libro 5 Anos

Libro 1º Ep

Libro 2º Ep

Libro 3º Ep

Libro 4º Ep

Libro 5º Ep

Que gran traballo!!!


Hoxe ademais de celebrar o día visionando proxeccións sobre as bibliotecas e o seu funcionamento e importancia, tamén puideron consultar  os traballos elaborados na exposición, os cales foron premiados cun diploma polo seu esforzo e participación. 
Aquí compartimos a foto do representante de cada aula. Noraboa!

Representante de 4º EI

Representante 5º EI

Representante 6ºEI

Representante 1º EP

Representante 2º EP

Representante 3º EP

Representante 4º EP

Representante 5º EP

Representante 6º EP

Día das bibliotecas escolares

Achégase o Día da biblioteca escolar e por este motivo gustaríanos dar a coñecer a nosa.

Entre todos e todas, tratamos de facer dela un lugar onde teñan cabida todas as persoas, un lugar onde aprender, relacionarse cos demais, relaxarse e, sobre todo, desfrutar dos momentos de lecer dunha forma divertida e pracenteira.

Por iso este curso, co valioso traballo e esforzo do alumnado de 5º EP e da súa titora Lucía así como coa participación do alumnado que cada día pasa o seu tempo durante o recreo e que fan que todo o noso traballo e ilusión teña un bo motivo, quixemos dar a coñecer algunhas das actividades que na nosa biblioteca se realizan, pero dunha forma moi especial, a través da lingua de signos.

Moitas grazas chic@s e profe Lucía!!!

Este vídeo así como outras curtas que fan unha homenaxe ás bibliotecas podédelas ver este xoves 24 de outubro no Recuncho de Nuno durante o recreo. Aquí vos deixamos o cartel!

Recursos polo Samaín

Achégase xa unha data que todos agardamos impacientes cada ano por ser unha das festas máis divertidas e creativas do cole:

 o Samaín.

 Por iso compartimos con vos algunhas das actividades que realizaremos na biblioteca así como unha guía de lecturas recomendadas para pasar unha noite de Samaín terrorificamente divertida nas vosas casas, aínda que podedes atopar moitas máis na nosa biblioteca, moitas delas, como vedes,  están xa no noso expositor á vosa disposición.

Actividades Samaín 2019

Recomendación de lecturas polo Samaín 2019

 Ademáis, tamén creamos este symbaloo con distintos recursos, vídeos e xogos do Samaín para traballar dende as aulas do centro e, se queredes, tamén dende a casa.

 

Chegado o día compartiremos con vos o "medo" que pasamos durante esa festa no colexio de A Cristina.

Que o pasedes aterradoramente xenial!!!!

Mochilas Viaxeiras

Esta semana xa comezan a saír as Mochilas Viaxeiras cara os fogares dos alumnos e alumnas de A Cristina.

Un ano máis, dende a biblioteca escolar, proporciónase esta experiencia para que as nais e pais pasen un anaquiño agradable cos seus fillos e fillas con algúns dos recursos que ten a nosa biblioteca e así desfrutar da lectura en familia de diferentes formas.

Este curso as temáticas que levan a mochila son:
 o humor e os xogos olímpicos.

Dentro da mochila atoparedes os distintos fondos, as instruccións e un caderno viaxeiro no que podedes aportar o voso grao de area cun chisco de bo humor.

1º Educación Primaria.

                                                2º Educación Primaria.

                                                3º Educación Primaria.

                                                 4º Educación Primaria.

                                                5º Educación Primaria.

                                                  6º Educación Primaria.

                                                    4º Educación Infantil.

                                                   5º Educación Infantil.

                                                 6º Educación Infantil.



                                 AGARDAMOS QUE DESFRUTEDES MOITO DELAS!

Contacontos na biblioteca Rego da Balsa

Hoxe, aínda que foi un día pasado por auga, os nenos e nenas das aulas de 5º e 6º de educación infantil realizaron unha saída ata a Biblioteca Rego da Balsa, onde desfrutaron de distintas cancións e contos relatados por un dos ratos de Lonxedetodo.

Tamén nos informaron de que podemos facernos socios da biblioteca sen custo para poder levar a casa moitos libros e contos.

Moitas grazas pola vosa invitación e por facer que pasaramos un día estupendo!!!
Tamén agradecer ao concello de Carballo que a viaxe ata alí fose posible.

Tamén nos agasallaron con mochilas, para cada un dos alumnos e alumnas, e con contos para a biblioteca do noso cole. Moitísimas grazas!

Novidades olímpicas

Seguimos ampliando o noso catálogo de fondos en relación coa temática do proxecto do centro deste curso.
Aquí vos deixamos unha mostra. Desfrutádeos!

Traballos de investigación

- Ay....Moi traballadoriños nos saíron neste cole.
- Nin que o digas! Ata os pequenos da escola sonche ben listos!
- Non che digo máis que ata o día das bibliotecas non se vai publicar.
- Pero conta, conta, algo poderás adiantar, non si?


Pouco falta para a celebración do Día das Bibliotecas escolares, e este ano tódalas aulas puxéronse mans á obra, ou mellor dito a lápis e papel, e andan argallando un traballo de investigadores, autores, ilustradores e editores relacionado coa temática do proxecto do centro deste ano, os xogos olímpicos!

Por iso, compartimos convosco unha pequena mostra do traballo de investigación da aula dos maiores de infantil, a clase de 5 anos, que estiveron realizando nas derradeiras semanas.

Noraboa chic@s e profe Laura, gran traballo!

Taller de primeiros auxilios

Hoxe, unha sección de Protección civil de Carballo acudíu á nosa biblioteca a dar unha charla teórico-práctica de primeiros auxilios aos mestres e mestras do claustro.

Estivemos aprendendo consellos básicos sobre o que deberíamos facer en caso de accidente como: caída, desfalecemento, parada cardio-respiratoria ou atragantamento, entre outros.

Orde de actuación:

1. Observa a contorna, o que puido ocasionar o accidente  e protéxete a tí mesmo e ao accidentado.

2. Avisa ao 112 .

3. Comproba se a víctima está consciente e respira.

4. Se respira : Colócaa en posición lateral de seguridade.

5. Se non respira : Abre vía aérea e comenza a RCP 30:2 ( compresións /insuflacións ).

Despois de vivir esta experiencia gustaríanos facer partícipes tamén ao noso alumnado xa que estes coñecementos poden salvar vidas.

Próximamente agardamos que sexan eles os seguintes en facer este tan necesario taller.


Moitas grazas polo voso traballo e por todo o que aprendimos hoxe con vós !!!

Días Fedelleiros

A pesar de que este curso solicitamos participar no proxecto Biblioteca Creativa pero non fomos seleccionados, seguiremos facendo da nosa biblio un lugar onde aprender desfrutando.

Por iso, presentamos algunhas das novidades para pasalo fenomenal os días fedelleiros, aínda que hai moitos xogos máis e actividades que iremos propoñendo ao longo do curso.

Lembrade: Todos os luns e venres no recreo!

Vinde a coñecelos e... A xogar!!!!

Formación de Colaboradores da biblioteca

Seguimos dinamizando a nosa biblioteca, e un curso máis contamos coa valiosa axuda do alumnado de 5º e 6º de Primaria.

Houbo moitos alumnos e alumnas que quixeron unirse ao noso equipo este curso polo que tivemos que facer un sorteo para os novos membros, pois os colaboradores do ano pasado confirmaron a súa continuación.

Moitas grazas chic@s polo voso interese e por todo o esforzo e ilusión que mostrades cada día.

Agardamos que vos sintades moi a gusto.

Aquí compartimos algunhas fotos dos novos axudantes da biblio que hoxe reuníronse para rematar a súa formación.

Recomendacións lectoras polo Día mundial dos animais.

Aquí vos deixamos algunhas das novidades da nosa biblioteca para que fagades o voso traballo de investigación.

Agardamos que vos gusten e sexan de grande utilidade.

Dia mundial dos Animais

Hoxe celébrase unha data moi especial para moitos de nós xa que para algúns son uns amigos moi fieis, para outros son riquiños e simpáticos, outros quizáis lle teñen un pouco de medo por non ter contacto con eles pero para moitos outros son máis que mascotas, son un membro máis da familia que cada día nos dan o seu amor incondicional sen pedir nada a cambio.

 Falamos dos animais.

Hoxe foi o seu día e dende a biblio quixemos darlle voz e mostrar unhas problemáticas que nos gustaría que desapareceran: o abandono e o maltrato animal.

Por iso visualizamos unha fermosa historia dun pitbull e un mico rueiro, e de como as persoas podemos axudarlles a ter unha vida moi feliz. Trátase dunha curta de pixar chamada "Kitbull".
Compartímola con vós para que a desfrutedes tanto coma nós dende os vosos fogares.

Ademáis, ao longo da vindeira semana investigaremos sobre os nosos animais preferidos e tamén sobre moitos descoñecidos. No Recuncho de Nuno tedes a vosa disposición diversos fondos para descubrir todo sobre eles.
Aquí vos deixamos unha mostra:

Agardámosvos no Recuncho de Nuno!