RECOMENDACIÓNS LECTORAS DE VERÁN

Bo día! Xa non queda nada para que remate o curso, e dende o Recuncho de Nuno desexámosvos un feliz verán no que non esquezades a lectura. Para axudarvos un pouquiño a elexir, deixámosvos esta presentación coas nosas recomendacións lectoras para todas as idades:

FELICES VACACIÓNS!

SELECCIÓN LGTB

 O Día Internacional do Orgullo LGTB, refírese a unha xornada na que teñen lugar unha serie de accións reivindicativas da comunidade LGTB+, co gallo de reafirmaren a súa orientación sexual, reivindicaren os seus dereitos e mais para faceren denuncia das actitudes homófobas.

A festa ten lugar o 28 de xuño, polo que a maioría das celebracións fanse ao redor desa data. A noción básica do «orgullo LGTB+» consiste en que ningunha persoa debe sentir vergoña do que é, sexa cal for o seu sexo ou orientación sexual.

Como o día 28 xa non teremos clase, adiantamos esta conmemoración uns días. Nuno realizou unha selección de libros relacionados con esta temática.

DONACIÓNS DAS FAMILIAS

 

O longo do curso mostramos varias publicacións de novos libros, esta última foto mostra libros e xogos donados polas familias. Estarán esperando para o próximo curso nos estantes da nosa biblio.

MOITAS GRAZAS FAMILIAS!

ENCONTRO VIRTUAL CON MARÍA CANOSA

 A semana pasada tivemos un novo encontro virtual, neste caso con María Canosa, que falou co alumnado de 3º e 4º sobre o libro  Rubicundo:

E esta mesma escritora conectou con 1º para contar a historia de Mindi do libro "Unha fábrica de bicos" e eles moi atentos seguiron o conto ensinándollo a través da cámara!

Foi unha experiencia moi chula!

SEGUEN OS PREPARATIVOS DA RADIO

 

Nuna segue cos peparativos da RADIO CRISTINUNA!

Fai uns días prepararon a instalación de micros conectados coa megafonía.

DÍA DO MEDIO AMBIENTE

 

O Día mundial do ambiente celébrase cada 5 de xuño dende 1972.

Co "día mundial do ambiente", a organización de Nacións Unidas procura sensibilizar a opinión mundial en relación a temas ambientais, intensificando a atención e a acción política e co obxectivo principal de darlle un contexto humano, motivando ás persoas para que se transformen en axentes activos do desenvolvemento sostible e equitativo; promover o papel fundamental das comunidade no cambio de actitude cara a temas ambientais, e fomentar a cooperación, pois esta garantirá que tódalas nacións e persoas gocen dun futuro máis prospero e seguro.

Dende o cole poñemos o noso gran de area (nunca mellor dito) para concienciar aos máis pequenos sobre a importancia de coida o noso planeta.

A NOVA BIBLIOTECA

 Fai xa unhas semanas publicábamos a chegada de novos mobles, mobles cos que buscábamos unha biblioteca máis dinámica que permitise adaptar o espazo a diferentes actividades. Hoxe mostramos ese cambio.

A colocación das mesas permite a consulta de libros:

E outro día pode transformarse no "escenario dun roubo" e ofrecer un gran espazo para realizar todo tipo de actividades:

Por certo, nas primeiras imaxes vemos ao alumnado de 1º consultando libros sobre o espazo, xa que investigaron sobre Plutón para presentar un proxecto a Galiciencia, comparto o enlace para que poidades ver o resultado deste proxecto (e votar con 5 estreliñas quen queira!)

01 As doce preguntas de Plutón – galiciencia.online