AS MOCHILAS VIAXEIRAS COMEZAN A SÚA ANDAINA!

 

A nosa biblioteca escolar ponse en marcha para levar os libros máis alá das aulas e compartir a maxia da lectura coas familias.

As mochilas viaxeiras están preparadas para visitar os fogares do noso alumnado, cargadas de historias, aventuras, imaxinación e momentos para compartir.

Cada mochila é unha pequena biblioteca itinerante, esta vez sobre o ESPAZO EXTERIOR. Convida a descubrir novos exemplares, espertar a curiosidade, deixar voar a imaxinación e, sobre todo, gozar de momentos en familia. Porque ler xunt@s é moito máis ca ler: é compartir tempo, emocións, palabras e experiencias que permanecen na memoria.

Dentro atoparémonos cunha actividade onde podedes deixar voar a vosa creatividade:

Desde a biblioteca escolar estamos moi ilusionados co comezo desta nova aventura e desexamos que as mochilas viaxeiras sexan recibidas con moita ilusión en cada fogar.

PREPARADOS, LISTOS... COMEZA A VIAXE!

A nosa biblioteca escolar ponse en marcha para levar os libros máis alá das aulas e compartir a maxia da lectura coas familias.

A nosa biblioteca escolar ponse en marcha para levar os libros máis alá das aulas e compartir a maxia da lectura coas familias.

APERTURA DA BIBLIO!

 

BOOK CROSSING

 

Os libros tamén queren viaxar!

No CEIP A Cristina estamos moi contentos de presentarvos unha nova iniciativa: instalamos un punto de book crossing no patio!

En que consiste? É moi sinxelo: creamos un espazo no que os libros poden pasar dunhas mans a outras. Dentro casiña atoparedes libros para nenos e nenas de educación infantil, educación primaria e tamén para adultos. Calquer persoa pode deixar alí un libro que lera e que queira compartir ou coller outro dos que xa están, desfrutar da súa lectura e, se o desexa, voltar a poñelo en circulación para que siga viaxando.  

QUENTANDO MOTORES....1, 2, 3...

  3, 2, 1... NUNO, PREPARADO PARA DESPEGAR! 

Na nosa biblioteca xa estamos quentando motores para comezar unha nova andaina! E este curso promete levarnos moi, moi lonxe... 

O proxecto do noso centro leva por título «Unha constelación única», unha fermosa viaxe para descubrir, explorar e coñecer un pouquiño mellor ese mundo marabilloso que nos rodea. E claro, toda gran aventura precisa un lugar desde onde comezar!

Por iso, o primeiro paso será preparar a nosa biblioteca para que Nuno poida viaxar polo universo sen sequera moverse dela! 

 Aquí vos presentamos o cartel deste curso, no que aparece nada máis e nada menos que... NUNO VESTIDO DE ASTRONAUTA!

Quen llo ía dicir! De gardián dos libros a explorador das estrelas! 

Agora só falta poñer a punto a nosa nave espacial, cargar as mochilas de ilusión e prepararnos para despegar.

Porque na nosa biblioteca os libros teñen un poder extraordinario: lévannos ata as estrelas sen levantar os pés do chan!

 PRÓXIMO DESTINO: O UNIVERSO!

RECOMENDACIÓNS LECTORAS

 

TEATRO A ESCENA!

O alumnado de 3º B levou adiante, na área de Proxecto Competencial, a representación da obra Cataventos e Cía, baseada no libro de Celia Díaz Núñez. Foi unha experiencia desenvolvida ao longo de todo o curso, na que se combinaron lecturas dramatizadas, ensaios, aprendizaxe de diálogos e traballo cooperativo.

 Entre erros, risas, nervios e moito esforzo, o alumnado foi medrando como grupo ata culminar nunha representación que lles permitiu gozar da lectura, da interpretación e da creación compartida.

Con moita ilusión, os nenos e nenas participaron tamén na elaboración do cartel anunciador e do atrezzo necesario para a posta en escena.Con moita ilusión, os nenos e nenas participaron tamén na elaboración do cartel anunciador, así como dunha escenografía e dun atrezzo de produción propia, creados maioritariamente con materiais de refugallo e reutilizados, integrando a sustentabilidade nun proxecto artístico cheo de creatividade.

 O proxecto acadou un fito moi especial coa súa primeira representación pública, nada menos que nun certame teatral de ámbito provincial organizado pola Deputación da Coruña.

(Premede na imaxe para ver a representación)

A aventura aínda continúa, pois quedan por diante dúas novas representacións: unha na Biblioteca Municipal e outra no Pazo da Cultura de Carballo. Estamos inmensamente fachendosos do resultado e do camiño percorrido. Quen lles ía dicir a estes pequenos artistas cando abriron o libro por primeira vez que rematarían levando a historia aos escenarios? 

De Carballo a Broadway hai a carreiriña dun can!

SEMANA DAS LETRAS GALEGAS con.... EVA MEJUTO

  

O pasado mércores, día 20 de maio, tivemos a gran honra de recibir no noso centro á escritora galega

Eva Mejuto, autora do libro Queco e Kika, unha lectura que traballou e gozou o alumnado de 3º e 4º de EP previamente na aula.

Durante o encontro, Eva demostrou unha proximidade e unha paciencia admirables cos máis pequenos/as. Os nenos e nenas, entusiasmados coa historia de Queco e Kika, non pararon de levantar a man e fixéronlle moitísimas preguntas para resolver as súas inquedanzas ou dúbidas. Eva respondeu a cada un/unha cun gran sorriso. Gañando o cariño de todo o público.

Para poñer o broche final, a autora dedicou un tempo a asinar exemplares dos seus libros, deixando un recordo personalizado e único para cada alumno/a.

O alumnado  espera impaciente pola segunda parte da historia!